Një aksident me pasojë plagosjen e një personi ka ndodhur këtë të enjte në Berat, ku është përfshirë edhe deputeti i PS-së Fadil Nasufi.
Sipas policisë aksidenti ka ndodhur në aksin rrugor Berat-Ura Vajgurore, në Otllak.
Mjeti tip Benz me drejtues shtetasin Fadil Nasufi, 60 vjeç, banues në Berat, është përplasur me një biçikletë e cila drejtohej nga shtetasi B.M, 51 vjeç.
Por policia e Beratit thotë se pas hetimit të ngjarjes, shkak i aksidentit ka qenë qytetari në gjendje të dehur.
“Si pasojë është dëmtuar lehtë drejtuesi i biçikletës. Nga veprimet e para drejtuesi i biçikletës rezultoi se ishte në gjendje të dehur. Grupi hetimor po punon për zbardhjen e plotë të shkaqeve”, njofton policia.
Shfaq Komentet (0)